На граничниот премин Табановце за влез во државата се чека 30 до 40 минути, а на останатите премини нема подолги задржувања, соопшти АМСМ.
Сообраќајот на државните патишта се одвива непречено, по наместа влажни коловози. Интензитетот на патните правци надвор од градските средини е зголемен. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
АМСМ потсетува дека денеска ќе се врши минирање на патниот правец А2 Кичево – Охрид, на делницата Пресека – село Врбјани поради што сообраќајот ќе биде во прекин помеѓу 12:00 и 15:00 часот во времетраење од 15 – 20 минути.
За излегување од Македонија, пак, на ГП Богородица, има колони возила – и патнички и товарни. Сепак, долги задржувања нема, иако се чека нешто подолго од вообичаено, веројатно поради контролата на документите за патување поврзани со правилата за заштита од ковид-19.
На ГП Меџитлија нема ниту колони, ниту застој. Задржувања нема ниту на Ќафасан кон Албанија и Деве Баир кон Бугарија.
