Здружението за медиумска писменост „Медија Флеш“ почна со реализирање на проектот „Јас сум потрошувач и одлучувам за моите пари“, финансиски поддржан од Општина Струмица.
Од здружението велат дека иако има Закон за заштита на потрошувачи, граѓаните не ги знаат своите права. Уште позагрижувачки е бројот на оние кои не знаат каде да се обратат во случај нивното право како потрошувачи да биде повредено. Ова прашање и проблем е посебно изразено во помалите локални средини. Потребата од едукација на граѓаните-потрошувачи е неминовна. Целта е тие да се заштитат од лоши производи, нереални цени или да извршат промена на неисправниот производ. Исто така во време на дигитална ера и онлајн продажба, граѓаните мора да ги знаат своите права како онлајн потрошувачи.
-Иако до 2018 година постоеше Советодавно место за заштита на потрошувачите на Струмица и ова тело и канцеларија функционирало во рамки на Општина Струмица, како проект од Организацијата на потрошувачи на Македонија, веќе неколку години не е во функција. Формирањето и ставањето на ова тело во функција ќе овозможи граѓаните да имаат механизам и алатка за да се пожалат за нарушување на своите потрошувачки права. Но и да им се излезе во пресрет доколку има утврдени неправилности, додаваат од Здружението.
Главна цел на проектот е запознавање на граѓаните за нивните права како потрошувачи. Унапредување на заштитата на потрошувачите. Но, и заштита на интересите на потрошувачи со цел тие да развијат свест, вештини. Д а имаат информации за производите што ги купуваат. Потоа кои механизми и алатки им стојат на располагање за да се заштитат од лоши производи, нереални цени или да извршат промена на неисправниот, односно расипаниот производ.
Во наредниот период „Медија Флеш“ преку најразлични активности ќе работи на реализација на овој проект, а граѓаните ќе бидат информирани подетално за сите активности во наредниот шестмесечен период за постигнатите резултати.
