Ќе се гради булеварски мост кај поранешен Агрокор. Денеска струмичкиот градоначалник потпиша договр за изградба на мост кој, како што рече, целосно ќе се финансира со општински буџетски средства.
„
Денеска го потпишав договорот за најголемиот капитален проект во општина Струмица, кој што е клучен за развој на долниот дел на градот и финансиран исклучиво од буџетот на општина Струмица. Реализираме клучно, стратешко изборно ветување уште во првата година од мандатот.
Мостот на река Водочница е прв булеварски мост кој ќе биде изграден во историјата на Струмица, вреден 30 милиони денари. Ова значи почеток на реализација на нов булевар Братство и единство,“ напиша на својот фејсбук профил Костадинов.