Работна офанзива во Дојран пред почетокот на новата туртстичка сезона. Се расчистува крајбрежјето, полека се подготвува езерското гратче за туристи. Најголемите активности се во Стар Дојран.
Општина Дојран распиша тендер и избра компанија што ќе се грижи за чистотата во текот на четирите месеци од летната сезона. Општината ќе издвои околу 1 милион денари за оваа намена, бидејќи комуналното претпријатие нема доволно вработени и ресурси за сами да ја организираат јавната чистота.
Минатата година и покрај пандемијата Дојран пречека голем број гости. Проценките се дека се остварени околу 100 000 ноќевања.