Тројца возачи се повредени во сообраќајна несреќа која се случила вчера во 23:10 часот на магистралниот пат А4 Струмица – Ново Село, во близина на село Дабиље.
МВР информира дека во несречата учествувале три автомобили: „Фолксваген поло“ со италијанска национална ознака, управуван од В.А.(52) од село Еднокуќево, струмичко, „Ауди а3“ управувано од М.М.(31) од Струмица и „Фиат типо” управуван од М.К.(52) од Струмица, двете со струмички регистарски ознаки.
-Во несреќата возачите В.А. и М.М. се здобиле со тешки телесни повреди, а возачот М.К. се здобил со телесни повреди, констатирани во Медицински центар Струмица, информира МВР.
Увид извршила екипа на Полициската станица Струмица.