Вчера во ООУ ”Гоце Делчев” во населеното место Робово, се одржаа две работилници во организација на здружението “Проагро Фармери” во рамките на проектот “Модерно и квалитетно градинарско производство кај градинарите во с.Банско,с.Муртино и с.Робово.
Темите на работилниците се:
- “Начини на искористување на тековните програми и ИПАРД фондови во земјоделието “
- ”Нови и модерни технологии во градинарското производство”
Координаторот на проектот Борче Јанев ги запозна учесниците со проектните активности, со целите на проектот и со деталите околу организацијата на првиот АГРО САЕМ во Струмица кој ќе се одржи последниот викенд од месец август.
-На првата работилница агр.инг. Стојан Глигоров ги запозна присутните со јавните повици кои следуваат во блиска иднина од програмите за подршка на фармерите, за начинот на аплицирање, висината на подршката и кој се потребни документи за аплицирање и користење на средства од ИПАРД фондот, се со цел модернизација на нивните земјоделски стопанства и што поголема нивна искористеност, информираат од Здружението.
-На втората работилница, во рамките на истоимениот проект свое излагање имаше и проф. Томе Тимов на тема: ”Нови и модерни технологии во градинарското производство”. На присутните им ги презентираше најновите достигнувања во земјоделието и кои се алатки треба да ги користат земјоделските производители се со цел добивање на зголемени и стабилни земјоделски приходи кај фармерите, додаваат од „Проагро Фармери“.
Проектот се спроведува во рамките на Регионалната програма за локална демократија во Западен Балкан (ReLOaD) која е финансирана од Европската унија, а е спроведувана од UNDP.
Со свои средства во проектот учествува и Општина Струмица.