Со низа свечености Струмица одбележува 71 година од ослободувањето од фашистичкиот окупатор. Централната свеченост се оддржа пред Споменикот на Револуцијата во Градскиот парк. За значењето на денешниот ден зборуваше градоначалникот Заев кој истакна дека 11 септември е јазол кој цврство ги поврзува минатото, сегашноста и иднината.
И годинава традиционално во чест на денешниот историски ден за Струмица во алејата на младите во градскиот парк беше засадено дрвцето на другарувањето.
Во чест на жртвите за слободата пред Споменикот на револуцијата свежо цвеќе положија градоначалникот Зоран Заев и претставници на Советот на општина Струмица, претставници на борците, на политичките партии и јавни институции.