Дури пет екипи од Југоистокот ќе играат следната сезона во Втората фудбалска лига. ФФМ го дефинираше изгледот на двете Втори лиги во македонскиот фудбал, Запад и Исток за натпреварувачката 2017-2018 согласно промените во Статутот на ФФМ кои ќе бројат по десет екипи
Во источното друштво следната сезона ќе бидат екипите на Хоризонт Турново од Турново, Беласица од Струмица, Плачковица од Радовиш, Победа од Валандово и Кожуф од Гевгелија што значи дека ќе има повеќе регионални дерби натпревари. Освен овие пет екипи во Втората фудбалска лига исток ќе бидат и тимовите на Брегалница од Штип, Тиквеш од Кавадарци, Осогово од Кочани, Борец од Велес
Енигма е последниот патник кој ќе биде познат откако Саса и Превалец ќе одиграт бараж натпревар. Според многумина Втората лига исток ќе биде доста квалитетна со оглед на имињата и градовите кои своевремено беа фудбалски центри