Првиот уписен рок за новите средношколци во учебната 2016/2017 година почна денеска. Запишувањето ќе трае и утре, па најверојатно повеќето го чекаат последниот ден за упис во средно училиште. Како што не информираа од струмичките средни училишта, засега интересот е слаб, но поголема навалица очекуваат утре.
Уште пред самиот старт на уписот, директорите на струмичките средни училишта рекоа дека се во неизвесност колку паралелки годинава ќе пополнат.
Во согласност со Законот за средното образование, уписот во средно училиште е задолжителен. За родителите што нема да ги запишат децата во средно училиште предвидени се парични казни.