Макс Струмица одигра нерешено 30:30 против Борац Бања Лука синоќа во спортската сала Парк. Иако најавуваа прва победа во регионалата Сеха лига, струмичани на крај се спасуваа од пораз. Противникот имаше предност во финишот од дуелот од два гола но ,, рисовите ,, за една минута двата ја затресоа мрежата на гостите за реми и нов бод на салдото во ова регионално натпреварување.
Ова беше шести натпревар во СЕХА лигата за струмичани и второ реми покрај четирите порази.Без победа е и Борац, тим за кој ова беше само втор дуел во регионалното натпреварување.Најефикасен кај Струмица Макс беше Реваз Чантурија со 13 погодоци, додека кај Борац Даворин Вујовиќ имаше шест реализации.Следниот натпревар за Струмица е на 22 октомври против Спартак на гостински терен.