Aнгела Меркел нареди истрага против комичарот Јан Бомерман поради навреда на турскиот претседател Ердоган и со тоа ја отвори пандорината кутија. Критиките кон германската канцеларка пристигнуваат од различни страни, а можеби најкреативен е британскиот весник “The Spectator” кој на своите читатели им предложи занимлива понуда – тој кој најмногу ќе го навреди турскиот претседател ќе добие награда!
Кој ќе смисли најнавредлива песна за Ердоган ќе освои 1000 фунти. Наградата е донација на еден од читателите на весникот, објавил на својот твитер профил уредникот Фреди Греј.
Не е објавено до кога ќе трае огласот, но оваа понуда привлекла големо внимание на општествените мрежи.
Новинарот и политичкиот коментатор Даглас Мареј ги повика читателите да учествуваат во конкурсот.
-Фактот што Германија ја разгледува можноста да го испрати Бомерман на суд покажува дека таа земја се претворила во Ердоганова провинција. Јас сум роден Британец и роден сум слободен. Во името на тоа поминав цел викед во обид да напишам доволно навредлива песна на сметка на Ердоган. И ги повикувам сите да ми се приклучат – напиша Мареј.
Иако случајот со комичарот Јан Бомерман привлече најголемо внимание, комичарот не е еднинствениот кој ќе се најде пред судо заради навреда на турскиот премиер. Од кога е Ердоган на власт од 2014 година, отворени се околу 2000 истраги заради увреди на претседателот.