Министерството за земјоделство, шумарство и водостопанство соопшти дека се изготвени решенијата за исплата на субвенциите на 544 овоштари во висина од 28 милиони денари. Производителите ќе ги добијат парите на почетокот на следната недела.
– Ги информираме и останатите земјоделци дека освен за овоштарство, изготвени се и решенијата за исплата на субвенции за лозарство и за штетите од невремето во општина Гази Баба. Исплатата и на овие субвенции ќе биде на почетокот на следната недела, соопштија од МЗШВ.