Десетте општини од Југоисточниот плански регион поднеле предлог проекти до Министерството за животна средина и просторно планирање со кои бараат да им се финансираат проекти за подобрување на водната инфраструктура.
Поднесени се вкупно 40 проекти, кои можат да опфатат нови водоснабдителни и канализациони системи, пречисителни станици и опрема за подобрување на водната инфраструктура, соопшти министерката Каја Шукова. Таа нагласи дека средствата на општините ќе им се доделат во вид на донации за што ќе се склучуваат договори.
Станува збор за распределба на средства од заем од Европската инвестициона банка. Овие средства ќе треба да се враќаат од буџетот на државата. Вкупната вредност на заемот е 50 милиони евра.
Прилог на Сузана Мицева