Еврокомесарот за проширување и соседска политика на ЕУ, Јоханес Хан, на својот твитер профил ја поздрави средбата помеѓу премиерите на Македонија и Грција, Заев и Ципрас, нарекувајќи ја добра вест.
Според него, оваа средба значи храброст, визија и државништво. Хан смета дека решавањето на ова прашање кое трае предолго ќе биде добро за двете земји, регионот и за Европа.
Заев и Ципрас се сретнаа во рамките на Светскиот економски форум, а предвидено е македонскиот премиер да оствари средба и со Хан.
