Гужва и нервози во подрачните канцеларии на Министерството за земјоделство, шумарство и водостопанство во Струмица. Земјоделците чекаат да поднесат барања за субвенционирање на производството. Последниот рок е 30 јуни, четврток. Од Министерството не сакаа да ни дадат податоци за бројот на поднесени барања во Струмица, ни рекоа дека забрането е и снимањето со камера пред шалтерите.
Дел од земјоделците рекоа дека уште пред да истече законскиот рок поднесуваат барања за субвинции. Се надеваат дека и годинава средствата навреме ќе им бидат исплатени.
Растителното производство, односно за житни и за градинарски култури, за одржување на лозови и овошни насади, како и за производство на сертифициран семенски и саден материјал, се дел од субвенциите за кои земјоделците може да се пријават, додека за сточарското производство се поднесуваат барања за одгледување на говеда, овци, кози, свињи, пчели и живина.
