Ракометната федерација на Македонија донесе одлука за прекин на актуелната сезона, а в година, најквалитетното првенство ќе биде побогато за четири екипи кои доаѓаат од Првата лига.Со новата одлука првенството ќе брои 16 клуба, а покрај десетте од оваа година, се враќаат Вардар и Еурофамр Од Првата лига место во елитата добиваат четири тима, првиот и вториот од групата 1 и групата 2.
Првопласиран во групата 1 е струмички Астарион, додека втората позиција му припадна на некогашниот прволигаш Прилеп Во групата 2, лидер е кавадаречки Тиквеш, додека деби-сезона во елитата ќе игра КЛ7, тимот кој е во сопственост на капитенот на македонската репрезентација Кирил Лазаров.Предлог плус е во сезона 2020/21 година, машката Супер лига да биде поделена во две групи од по осум екипи, но за тоа допрва ќе се одлучува.
