Општинскиот центар Босилово до крајот на летото ќе добие спортско рекреативна трим патека вдолж реката Струмица во должина од околу еден километар на која ќе биде поставена и урбана опрема. Станува збор за проект што го реализира Центарот за развој на Југоисточниот плански регион кој при крајот на минатата година распиша тендер а деновиве почна изведбата. Градоначалникот очекува збогатување на туристичката понуда на Босилово.
