Времето денеска ќе биде променливо облачно, ветровито и значително посвежо со повремен локален дожд и услови за ретки грмежи, особено претпладне, претежно во западните и јужните делови на земјава, информира УХМР.
Ќе дува засилен северен ветер. Вредноста на УВ-индексот ќе биде 6. Утринските температури ќе се движат од 11 до 17, а дневните од 18 до 25 степени.
Во Скопје претпладне ќе има локален пороен дожд и ќе биде доста посвежо. Попладне постепено ќе има стабилизирање на временската состојба. Ќе дува умреен до засилен северен ветер. Температурата ќе се движи од 15 до 23 степени.
Од понеделник до среда ќе има промена на временската состојба, така што времето ќе биде облачно и посвежо со пообилни врнежи од дожд, особено повеќе ќе бидат застапени во западните делови на земјава.
извoр:www.makfax.com.mk