Во деновите од 23 до 25 Март, Радовиш ќе биде домаќин на завршниот турнир од одбојкарскиот куп на Македонија. Во организација на одбојкарската федерација на Македонија, натпреварите ќе се играат во СРЦ „25 Мај“ и тоа: во Четврток – полуфиналните дуели во машка категорија, Петок – полуфинални дуели во женска категорија и во Сабота – финалните натпревари а директен пренос ќе врши Македонската радио телевизија.
Во женска конкуренција во завршницата пласман обезбедија Наковски Волеј од Струмица и скопските тимови Работнички, Јанта и Вардар Жени додека во машка конкуренција бранителот на двојната круна Струмица Никоб, велешки Борец и Универзитет Тетово и Шкендија.
ОФМ деновиве треба да изврши ждрепка за да се знаат кој со кој ќе ги одмерат силите во полуфиналните мечеви закажани за четврток и петок во СРЦ ,,25 ти Мај“ во Радовиш па победниците од истите да се соочат за годинашниве КУП титули.