Зголемената имиграција може да биде лек за проблемот со недостиг од работна сила во Германија, нагласи економистката Моника Шницер.
- „На Германија итно ѝ е потребна култура на добредојде“ – додаде Шницер.
Моника Шницер е лидер на експертското тело „Sachverständigenrat“ (Совет на експерти) кое го анализира економскиот развој во Германија и во кое членуваат водечки економски експерти.
Шницер прецизираше: „Не треба да бараме странските експерти да знаат германски за секоја работа, туку да се погрижиме вработените во канцеларијата за странци да знаат и англиски јазик“.
Според Шницер, Германија ќе мора да инвестира повеќе во децата за да почне да го решава проблемот со недостигот на квалификувана работна сила.
