Одбојкарките на Наковски волеј многу полесно од очекувањата забележаа победа над Виктори Волеј во рамките на првиот мече од турнирот што го организираат за Денот на независноста а на кој учествува и албанскиот шампион УМБ од Тирана и Партизан од Белград Србија
Во исполнетата сала на СОУ Димитар Влахов, избраничките на Хари Наковски со 3:0 во сетови го надиграа градскиот ривал кој се обидуваше да прави резултатска рамнотежа но немаше сили да им парира.
Во првиот сет Наковски доминираше. Виктори се ,, разбуди,, во финишот, но немаа сила за пресврт и загубија со 25:23. Во вториот сет Виктори стапи на сцена но само до средината од сетот. ,,Наковки,, направија пресврт и го добија со 25:19. Слична беше состојбата и во третиот сет кој им припадна на ,, поискусните,, со 25:17 бидејки младите девојчиња на Виктори не најдоа решение за играта на колешките од противничкиот табор
