Новинарите биле тепани, навредувани, прогласувани за предавници, добивале смртни закани, работеле во лоши економски услови- извештај за медиумите и безбедноста на новинарите за 2017-та година. Според Здружението на новинари во Македонија, медиумските работници во земјава работат во небезбедни услови, а институциите не успеале да казнат ниту еден од насилниците.
Според податоците, 45 насто од новинарите имаат помали плати од просекот, а на мнозинството платите им доцнат. Селмани вели дека сопствениците ја искористуваат ваквата положба на новинарите и им се закануваат со отпуштање за да не ги критикуваат големите огласувачи.
Претседателот на ЗНМ, Насер Селмани вели дека најбрутален напад врз новинари имало на 27-ми април во Собранието кога биле физички нападнати со што биле попречени да известуваат за настанот. Претседателот на ЗНМ истакна дека за разлика од минатите години има подобрување во настапувањето на полицијата, во поглед на нападите врз новинарите, брзо ги идентификуваат напаѓачите, но предметите заглавуваат во Обвинителството.
Тој посочува дека Јавното обвинителство има оформено предмет за овој случај, сторителите се идентификувани, но за жал не се изведени пред лицето на правдата. За разлика од претходните години, полицијата сега ги наоѓа напаѓачите и поднесува пријави, но предметите заглавуваат во обвинителство и ниеден насилник не е изведен пред лицето на правдата.
