• Sat. May 11th, 2024

МВР излезе со детали за вчерашната сообраќајка на Младинска во Струмица што ја предизвика комбе полно со мигранти

Струмичката полиција излезе со детали за вчерашната сообраќајка што се случи на улицата Младиска во Струмица. Според полицијата инцидентот се случил вчера во 11,50 часот кога  товарно возило „рено мастер“, со кочански регистарски ознаки, управувано од С.С.(27) од Кочани, удрило во патничко возило „алфа ромео“, со струмички регистарски ознаки, управувано од Б.Б.(26) од Струмица и во паркирани патнички возила „цитроен ц4“, со струмички регистарски ознаки, и „фолксваген поло“, со бугарски национални ознаки.

Притоа, од полициски службеници од СВР Струмица во возилото „рено мастер“ биле пронајдени 32 мигранти, од кои 15 од Авганистан, девет од Пакистан, шест од Бангладеш и по еден од Сирија и Ирак.

По незгодата, во Медицински центар Струмица биле пренесени осум мигранти, при што кај двајца биле констатирани тешки телесни повреди, а кај шестмина телесни повреди. Возачот С.С. бил приведен и задржан во Полициската станица Струмица. По целосно документирање на случајот против него ќе биде поднесена соодветна пријава, а мигрантите се сместени во Прифатниот транзитен центар Винојуг. 

Leave a Reply

Your email address will not be published. Required fields are marked *