Димитар Кабранов од Струмица денес пред камерата на Тв Канал Вис се пожали дека огревното дрво кое го добил од Ш.С „Беласица“ а за кое платил по стандард за прва гласа не соодветствува со истото.
Не повика во неговиот двор каде дрвата стојат неисечени речиси два месеци.Вели дека неколкупати бил до управата , но за жал неговите барања за промена на двата не се уважени.
Тој сведочи и дека познава граѓани на кои поради лошиот квалитет на дрва , од шумското стопанство им испракале дополнителна кубикажа како чин на оддолжување и исправање на грешката.
Денес го контактиравме и првиот човек на Ш.С „Беласица“ кој потврдува дека е запознаен со случајот на Кабранов и оти службени лица од подружницата биле на терен.Тие констатирале дека нема нерегуларности.Дополни и дека стандардите за прва класа огревно дрво кое се испорачува до граѓаните не смее да биде под 7 см, а во случајот на Кабарнов немало поместување на стандардите.
