За осмомартовската вечер, во Радовиш затворен локал што работел по дозволеното време. На 08.03.2021 во 21.15 часот, полициски службеници од Полициската станица Радовиш извршиле контрола на угостителски објект на ул.„Св.Спасо Радовишки“ во Радовиш. Било констатирано дека не било почитувано работното време, односно во објектот биле затекнати шест лица – гости.
Известен е јавен обвинител, а по целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.
