Во Валандово утре ќе се одржи референдумот на кој жителите од оваа општина треба да кажат дали сакаат да продолжи или да запре работата на рударскиот комплекс Казандол, и дали да се отворат новите рудници за метални минерални суровини.
Во општината која има нешто над 10 000 жители со право на глас, за успешен референдумот е потребно утре да излезат најмалку 5.200 граѓани, . Референдумското прашање гласи „Дали сте за или против отворање рудници и рударски комплекси за металични минерални суровини на територијата на Општина Валандово“ и ,,Дали сте за или против продолжување со работа на рударскиот комплекс Казандо. Се гласа со заокружување на „ЗА“ или „ПРОТИВ“.
Валандово е четвртиот град каде што ќе се одржи референдум. Жителите на Гевгелија, Богданци и Дојран веќе се изјаснија против отворање рудници, а најавени се уште два референдуми во Ново Село и Босилово, за рудникот Иловица.
