Војвотката од Корнвол и сопруга на принцот Чарлс, Камила Паркер-Боулс, отвори свој профил на „Инстаграм“ @duchessofcornwallsreadingroom, каде што ќе открива нови книги и ќе ја споделува радоста од читањето со своите следачи.
73-годишната војвотка од Корнвол почна со објави на социјалната мрежа на 31 декември.
Инстаграм-страницата, со наслов „Читалница“, веќе има над 24.000 следачи и има направено седум објави откако е отворена пред помалку од една недела.
Во описот на страницата стои: „Придружете ѝ се на војвотката од Корнвол во ‘Читалницата’, откријте нови книги и запознајте ги извонредните луѓе што ги создаваат. Првата сесија почнува на 15 јануари“.
Првата препорака на Камила за книга е „Детето, кртот, лисицата и коњот“ (The Boy, the Mole, the Fox, and the Horse) од Чарли Мекеси, која таа ја опиша како топла, смешна, трогателна и убаво илустрирана.
извор: Макфакс