Физичка пресметка помеѓу претставниците на владејачката Самоопределување и претставници на опозициските партии се случи на денешната седница на косовското Собрание. Приштинскитете медиуми, јавуваат дека инцидентот се случил за време на говорот на премиерот Албин Курти.
Пратеникот на Демократската партија на Косово, Мергим Луштаку, го испрска со вода Курти. Во тој момент интервенираа и министрите од владиниот кабинет, а потоа ситуацијата ескалираше до физичка пресметка меѓу министри и пратеници од опозицијата.
Опозициските партии цело време му се спротивставуваа на премиерот Курти, нарекувајќи го „лажго“.
