Општина Гевгелија огласи на продажба пет градежни парцели за домување во станбени куќи, сопственост на РСМ. Градежните парцели за домување во станбени куќи се наоѓаат на дел од КП 392/104, КО Гевгелија, во местото викано Караорман.
Површините на парцелите се движат од 309 до 599 квадратни метри, а почетната цена за квадратен метар изнесува 61 денар.
Продажбата на петте парцели ќе се одвива преку електронско јавно наддавање (www.gradezno-zemjiste.mk), на 29 март 2023 година, почнувајќи од 9 до 11 часот, во траење од 15 минути за секоја огласена парцела посебно.
Заинтересираните правни и физички лица треба да ги достават пријавите за учество на јавното наддавање по електронски пат на следнава интернет-страница: www.gradezno-zemjiste.mk, до 27.3.2023 година.