Во согласност со Законот за управување на електричен и електронски отпад, Градоначалникот на општина Радовиш потпиша договор за меѓусебна соработка со „Елколект“ ДОО Скопје – лиценциран колективен постапувач со отпадна електрична и електронска опрема и отпадни батерии и акумулатори.
Со ова, ЕЛС Радовиш доби донација од 1 еколошка станица. 4 матални корпи за отпад од електрична и електронска опрема, 9 пластични корпи за отпад од електрична и електронска опрема, и 7 туби за отпадни батерии.
Опремата е распоредена во основните училишта, општинското средно училиште и во Единицата за локална самоуправа.
Еколошката станица е лоцирана во кругот на комуналното претпријатие ЈП „Плаваја“. Во наредниот период ќе следуват предавања од стручни лица за учениците од основните и средното образование и доставување на брошури и друг промотивен материјал за подигање на јавната свест.
„Елколект“ ДОО Скопје, ќе обезбеди и навремено преземање, транспорт и третман на отпадот.
Ги информираме и сите граѓани на Општина Радовиш, доколку поседуват електричен и електронски отпад (телевизори, компјутери, апарати од домаќинството, акомулатори, батерии…) дека истиот можат да го однесат во Еколошката станица, сместена во кругот ја ЈП „Плаваја“, информираат од општината.