Речиси 20 години поминаа од дебито на Горан Пандев во дресот на македонската фудбалска репрезентација, а капитенот сега е на чекор од остварување на сонот. Победа против Грузија утре во Тбилиси ќе значи и пласман на Македонија на Европско првенство.
Пандев во интервју непосредно пред заминување за Тбилиси открива дека ова ќе биде најважниот меч во неговата кариера, зборува за хемијата која е создадена во националниот тим, за тоа дека сите се подготвени да го дадат максимумот за да го остварат сонот на сите фудбалски генерации досега.