Домот за деца и млади Благој Мучето од Струмица денес ги додели награди за најуспешни творби на литературниот и ликовен конкурс, по повод Меѓународниот ден на жената, 8-ми март. Ваквата манифестација е традиционална, а годинава учесниците работеа на тема „Мајки од цел свет подадете раце, исплетете пајажина за спокој на сите деца„.
Целта на конкурсот од една страна е да се афирмира ликовната уметност, а од друга да се поттикне креативноста на децата и понатаму да творат.
Конкурсот се реализира во соработка со основните училишта од Струмица и струмичкиот регион, Босилов, Василево и Ново Село.
[wpdevart_youtube]k79y4cXebFo[/wpdevart_youtube]