Градоначалникот Костадин Костадинов им го честиташе празникот Рамазан Бајрам на граѓаните од муслиманска вероисповед.
„Почитувани граѓани од муслиманска вероисповед,
По завршувањето на Рамазанските пости и Вашите ифтарски вечери, повторно ја дочекавте тридневната радост која ви ја дарува големиот исламски празник Рамазан Бајрам, или, како што милувате да го нарекувате, Шеќер Бајрам.
Нека и ова Ваше празнување и радување биде исполнето со љубов, разбирање, добрина, благодат и милосрдие, кои на најдобар можен начин ќе знаете да ги споделите со луѓето од Вашето опкружување.
Ви посакувам, празничните денови да ви поминат во добро здравје, расположение, семејна среќа и хармонија, како и во доследно негување на Вашата духовна традиција.
Нека Ви е честит, среќен и вековит Рамазан Бајрам – Bajram Serif Mubarek Olsun“ – стои во честитката од градоначалникот Костадин Костадинов.