Брера Струмица додели дрес на големата англиска соул ѕвезда Џон Њуман кој настапи на GetEXITed забавата во Струмица.
Тој се заблагодари на гестот и најави дека во иднина ќе го промовира градот Струмица, но и клубот Брера Струмица насекаде во светот при своите настапи. Њуман спомна дека знае за Горан Пандев, неговите настапи како во Италија, така и за македонската репрезентација, но и за инвестициите на италијанско – американскиот конзорциум Брера Холдинг во Струмица. Подвлече дека како уметник секогаш ќе го подржува спортот, но и младите фудбалери.
Инаку Џон Њуман над десетина години владее на светската музичка сцена и ги освојува срцата на фановите со моќниот глас, емотивните мелодии и песните кои се искачија на самиот врв на водечките топ листи и со милјарда прегледи на на јутјуб каналот.
