Во просториите на Фудбалската федерација на Македонија, се одржа ждрепката за бараж натпреварите за пополнување на последните две места за идната сезона во Првата македонска фудбалска лига – ПМФЛ.
Екипите на Тиквеш и Скопје го бранат прволигашкиот статус од Воска Спорт и Беласица кои беа второпласирани во вторите лиги. Среќата посака во баражот да се судрат Тиквеш против Воска Спорт, додека Скопје оди на мегдан со Беласица.
- Бараж парови за пласман во ПМФЛ:
Воска Спорт – Тиквеш
Скопје – Беласица
Ќе се игра еден бараж натпревар, победникот следната сезона ќе биде прволигаш, а дуелите се закажани за в недела (22 мај) со старт во 17:00 часот.
Пресметката на Воска и Тиквеш е закажана за на стадионот „Гоце Делчев“ во Прилеп, додека Скопје и Беласица ќе играат на „Градскиот стадион“ во Штип.