Беласица и Академија Пандев со победи во последното коло

Викендов се одиграа мечевите од 25 коло од Првата фудбалска лига на Македонија во кое струмичките сино бели конечно ја прекинаа лошата серија натпревари. По 9 првенствени кола без победа, Беласица конечно славеше и тоа во меч кој имаше огромно значење за опстанок во елитата. На стадионот Младост совладана е екипата на Шкупи со 2:0. Стрелци на головите беа Пепи Ѓоргиев и Душан Савиќ. Со ова победа синобелите направија исчекор повеќе за избегнување на дното од прволигашката табела.. Победа забележаа и фудбалерите на Академија Пандев. На теренот во Турново избрниците на Југослав Тренчовски ја скротија екипата на Ренова со 2:1. Стрелци на головите за пандевци беа Дориев и Стоилов од белата точка по еден пенал во двете полувремиња. Следното коло се игра во среда Беласица му гостува на Работнички додека Академија Пандев е домаќин на Шкендија