Зеленски: Да заврши војната до крајта на годината. Сакаме војната да заврши пред доаѓањето на зимата. Условите за борба потоа ќе станат многу потешки. Дајте сè од себе за војната да заврши до крајот на годината.
Украинскиот претседател Володимир Зеленски побара противвоздушни системи и безбедносни гаранции во своето видеообраќање на самитот на Г7. Тој ги повика членките на групата да помогнат војната да заврши до зимата.
Им порача на лидерите на Канада, Франција, Германија, Италија, Јапонија, Велика Британија и САД, да продолжат да ја притискаат Русија и да ги засилат санкциите.
На тридневниот самит лидерите на Г7 ѝ ветија на Украина дека ќе ја поддржуваат финансиски, хуманитарно, воено и дипломатски сè додека е потребно. САД оваа недела треба да објават дека ќе ѝ испратат напредни проектили земја-воздух со среден и долг дострел.
Германскиот канцелар Шолц кажа дека Г7 остануваат обединети во поддршката на Украина, но и внимателни да не го влошат конфликтот.
„Носиме тешки одлуки за да ѝ помогнеме на Украина. Истовремено се трудиме да избегнеме голем конфликт помеѓу НАТО и Русија. Г7 ќе продолжи да врши притисок врз Путин“, изјави Шолц.
САД се подготвуваа да објават купување на напреден ракетен систем земја-воздух за Киев за да и помогнат на Украина. Новата помош и напорите за изрекување казна за Москва од лидерите на Групата седум доаѓаат кога Зеленски отворено се загрижи дека Западот се заморил од цената на војната што придонесува за зголемените трошоци за енергија и покачувањето на цените на основните добра ширум светот. Лидерите го финализираа договорот за да бараат ограничување на цената за време на нивниот тридневен самит на Г-7.
Деталите за тоа како ќе функционира ограничувањето на цените, како и неговото влијание врз руската економија, требаше да ги решат министрите за финансии на Г-7.
Состанокот на Г-7 се одржува помеѓу самитот на Европската унија.
извор: АП