Започна со работа детската градинка Развигорче во Прдејци. Градоначалникот на општина Гевгелија, Сашо Поцков, заедно со директорката на ЈОУДГ „Детска радост“- Гевгелија, го посетија објектот, во кој првенствено се згрижени 14 дечиња, посакувајќи им удобен престој и исполнети денови во многу игра и дружба со другарчињата во Градинката. Додека, на вработените успешна работа.
Како што истакна директорката на ЈОУДГ „Детска радост“- Гевгелија, Елизабета Стоименова, приемот на дечињата се одвиваше согласно протоколите за работа и почитување на заштитните мерки од КОВИД-19. Децата кои се згрижени и престојуваат во објектот се на годишна возраст од 2 до 6 години. Моментално, Градинката располага со тројца вработени, еден помошен готвач, еден воспитувач и еден негувател. За изградба на градинката од Општинскиот буџет, во првата фаза, беа издвоени скоро 5 милиони денари, како и дополнителни 900.000 денари за завршните работи. Додека, мебелот и опремата беа обезбедени од Министерството за труд и социјални работи.