Скршени шахти и дупки ги уништуваат на улицата Крушевска Република возилата, се жалат струмичани. Реагираат дека недовршениот проект за затворање на каналот е ноќна мора на жителите од тој дел на градот кои секојдневно возат по раскопани патишта.
Поројот се прави веќе втора година и според проектот треба да биде и функционално и естетско решение на каналот.
Градоначалникот Костадинов апелира граѓаните да се трпеливи и дека наскоро повторно ќе се работи на овој проект.
Затворањето на каналот Крушевска Република досега општината ја чинеше повеќе од половина милион евра.