Распишан оглас за попишувачи на пописот.
Државниот завод за статистика (ДЗС) соопшти дека денеска објавил конкурс. Се бараат кандидати за реонски попишувачи и реонски инструктори кои во периодот 1-21 април ќе го спроведуваат попишувањето на терен во рамките на пописот 2021. Чекањето на вакцините може да го одложи пописот, се велеше пред еден месец, но сепак одлуката е да се направи пописот во април.
„На конкурсот можат да се пријават сите полнолетни државјани на Северна Македонија кои се невработени, кои имаат завршено најмалку средно образование и имаат компјутерски вештини“,
Процедурите за пописот течат додека на политичката сцена нема поместување на ставовите на власта и опозицијата. Од владејачките партии се децидни дека пописот нема да се одложува, додека најголемата опозициска партија, ВМРО-ДПМНЕ, собира потписи за поништување на Законот за попис. Последниот попис на населението е во 2002 година.