Бугарскиот претседател Румен Радев имал видеоконференциски разговор со претседателот на Европскиот парламент, Давид Сасоли, во кој истакнал дека неговата земја принципиелно и доследно ја поддржува европската интеграција на Македонија.
Во разговорот Радев истакнал и дека, од друга страна, Бугарија очекува одржливи резултати во процесот на градење добрососедски односи, како и директен и отворен дијалог, како што велат од неговиот кабинет, меѓу двете најблиски земји на Балканот за да се постигне вистински напредок.
Тие меѓудругото се осврнале и на мерките за справување со пандемијата на коронавирусот, како и за теми кои се на дневен ред на Европската Унија (ЕУ) со посебно внимание на политиката на проширување.