Парична помош од 6000 денари ќе стигне до уште 24 илјади граѓани
Откако банките не сакаа да попуштат и децидно ставија до знаење дека ќе им ги дадат шесте илјади денари на граѓаните кои не успеаја навреме да си ги земат само доколку пролонгирањето се стави во законска рамка, Владата сега носи закон со кој рокот за исплата на овие средства се продолжува до крајот на март.
Првично тоа го одлучи на владина седница, а сега скроила и дополнување на првичниот Закон за финансиска поддршка, со кој наместо 25 декември лани, сега финалниот рок е 31 март оваа година.