Силното невреме предизвика нови штети во струмичко и пожар во Муртино. Од гром се запали покрив во Муртино. Веднаш интервенирале пожарникарите од ТППЕ Струмица и пожарот е локализиран. Тие испратиле едно возило и пет пожарникари кои успеале за кусо време да го локализираат пламенот и да спречат понатамошно проширување на огнот.
– Примена е барање од село Муртино дека гром удрил во покривна конструкција на куќа по што се запалиле гредите, а по нашата интервенција огнот е изгаснат. Покрај тоа, досега имаме три интервенции на испумпување на вода од поплавени дворови и подруми, а други јавувања од граѓаните засега нема, изјави Александар Гудев, командир на ТППЕ Струмица.
Во Струмица пак, дождот повторно ја поплави улицата Младинска. Голем број куќи во воој дел на градот се полни со вода и се обидуваат да ја исфрлат водата од подрумските и просториите за домување.