Градоначалникот на Струмица, Костадин Костадинов на својот Фејсбук профил објави дека заедно со Меѓународната организација Адра Македонија доделиле пакетчиња за децата со индивидуални образовни потреби.
-Наближуваат Новогодишните празници на кои им се радуваме сите, а посебно децата. Новогодишните пакетчиња им носат голема радост и со големо нетрпение ги очекуваат во нивните раце.Денеска со претставници на меѓународната хуманитарна организација Адра Македонија им подаривме среќа и радост на учениците со индивидуални образовни потреби во основните општински училишта „Сандо Масев“ и „Видое Подгорец“ и на децата во Шелтер центарот за жртви на семејно насилство.Сите деца заслужуваат да бидат среќни и весели.Од срце за децата на Струмица, пишува Костадинов на својот ФБ профил.