На ГП Табановце се бележи зголемена фреквенција, времето на чекање за излез од државата е од 40 до 60 минути, а за влез во државата околу 20 минути.
На останатите гранични премини од македонска страна, нема подолги задржувања за влез и излез од државата.
Од АМСМ информираат дека има прекин на сообраќајот за сите типови на возила, почнувајќи од 6.8.2021, од 9 до 15 часот, поради изведувње на градежно-асфалтни работи на регионалниот пат Р2335 Житоше – Кривогаштани.
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.