Министерот за правда, Бојан Маричиќ, во онлајн вклучување на настанот „Регионална агенда 2020-2030“, кој се одржува деновиве во Херцег Нови – Црна Гора, порача дека ако Западен Балкан стане дел од ЕУ, тогаш може да се отфрлат сите нон-пејпери и идеи за прекројување на границите.
„Северна Македонија претрпе многу поради условите за пристапување на ЕУ, помина најмногу време во чекалната на ЕУ, направи многу храбри политички чекори, после декада на заробена држава. Кредибилитетот на ЕУ мора да зајакне, за да не се отворат сите мировни договори на Балканот и да не се дискутираат различни нон-пејпери кои се многу ризични. Најмалку што можевме да очекуваме е старт на преговорите со ЕУ“, истакна Маричиќ.