Нови лозови насади на површина од 120 хектари кај локацијата Бабуна во велешко се најновата инвестиција во лозарството вредна 2,5 милиони евра.
Станува збор за инвестиција на компанијата М6 аграрар а дел од средствата се обебедени преку ИПАРД програмата.
Инвестицискиот план за подигнување нови лозови насади предвидува во текот на 2022 година да се вложат дополнителни 3,3 милиони евра и да биде опфатена површина од нови 180 хектари, а овој тип инвестиции во земјоделството ги задоволуваат сите критериуми за поддршка од ИПАРД програмата за развој на аграрот и руралниот развој, рече ресониот министер Хоџа.
„До денеска, преку ИПАРД 2 инструментот склучени се 1.723 договори со вкупна поддршка од 51 милиони евра. Агенцијата беше и ќе продолжи да биде најголем партнер на земјоделците и компаниите и двигател на растот и развојот на земјоделското производство и руралниот развој. Признание дека сме на добар пат и дека сме лидери во искористеност на средствата во регионот добивме и од „ДГ Агри“ на ЕУ, а веќе во ИПАРД 3 програмата која треба да ја започне со имплементација во 2022 година очекуваме многу поголем Буџет од оној кој го имавме во претходниот период“, изјави Никица Бачовски, директор на Агенцијата за финансиска поддршка во земјоделството и руралниот развој.