Група европратеници од денеска е во тридневна посета на Бугарија. Ќе се проверуваат наводите за корупција со управувањето на европските фонсови. Станува збор за делегација на Комитетот за буџетска контрола на Европскиот парламент.
Ќе се испитуваат наводите за злоупотреба на јавните средства и како тие влијаат на финансиските интереси на Европската Унија.
Делегацијата ќе има средби со граѓански организации, истражувачки новинари, високи владини и државни претставници, директно или индиректно вклучени во управувањето со европските фондови во Бугарија, вклучително и министерството за финансии, за земјоделство и внатрешни работи.