Лидерите на двете најголеми партии СДСМ и ВМРО-ДПМНЕ вчера се договорија дека пописот ќе биде во септември, а локалните избори во втората половина на октомври. По оваа информација, претседателот на ДИК ги повика граѓаните да ги проверат своите податоци. Тоа ќе можат да го направат преку нивната веб-страница.
Претседателот на ДИК, Александар Даштевски, вели дека според вчерашната одлука, локалните избори ќе се спроведат со терминали за отисок на прст. Тој смета дека времето е кратко, но ќе направат се да се спроведе тоа.