Аргентинската потпретседателка Кристина Фернандес де Киршнер за влакно успеала да избегне атентат откако пиштолот што кон неа го вперило вооружено лице се заглавил и не испукал, пренесува Би-би-си.
Според медиумите, во еден момент, додека Киршнер ги поздравувала своите поддржувачи пред нејзиниот дом, вооружен маж успеал да се пробие низ толпата и да го впери пиштолот директно во нејзиното лице.
Аргентинските безбедносни власти го идентификувале напаѓачот и според информациите станува збор за 35-годишниот Фернандо Андрес Сабаг Монтиел, бразилски државјанин. Локалните медиуми наведуваат дека тој бил роден во Саун Пауло, од татко Чилеанец и мајка Аргентинка. Тој повеќе од 20 години живеел во аргентинската населба Вила дел Парке, претходно работел како таксист, а во моментов бил невработен и ѝ бил добро познат на полицијата. Минатата година Монтиел добил кривична пријава откако бил запрен од полицијата во возило без регистарски таблички и кај него била пронајдена мачета долга 35 сантиметри.
Attempted assassination of Argentine Vice President Cristina Kirchner, the gun misfired. Argentina is defaulting on its loans and Cristina has been no friend of the central banks. You have to wonder if the attempted assassin is a patsy.
— Syrian Girl 🇸🇾 (@Partisangirl) September 2, 2022
https://t.co/aIxYCpqcU5